अबब ! खड्ड्यात पूल कीं पुलात खड्डे.!! ठेकेदाराच्या निष्काळजीपणा मुळे वाहनधारकांमध्ये मनस्ताप. गोळेगावं येथील जुई नदीवरील पुलावर खड्डेच खड्डे.

•                                    छाया -जुबेर शाह गोळेगावं
• संबंधित ठेकेदारासह संबंधित विभागातील अधिकारी यांचे जाणुन बुजुन दुर्लक्ष
• गोळेगाव प्रतिनिधी-(छत्रपती संभाजीनगर )
• छत्रपती संभाजीनगर ते जळगाव हा राष्ट्रीय महामार्ग असुन गेल्या अनेक वर्षांपासून राज्य मार्गाचे काम संथ गतीने सुरु आहे.कित्येक ठिकाणी रस्त्यांचे काम अपुर्ण असल्याने परराज्यातील वाहनधारकांना रस्त्यांचे अंदाज येत नसल्याने वाहने जोराने आदळत आहे.यामुळे वाहन चालवतांना मनस्ताप वाढला आहे. महामार्गावरून दररोज हजारोंच्या संख्येने नेहमी वाहनांची वर्दळ असते.
• विशेष बाब म्हणजे जगप्रसिद्ध अजिंठा लेणी याच महामार्गाच्या रस्त्यात आहे.या महामार्गाच्या रस्त्यात गोळेगाव येथील जुई नदीवरील पुल पुर्ण खड्डे पडले आहे.खड्ड्यात पुल की पुलात खड्डे अशी अवस्था पुलाची झाली आहे.
  गोळेगाव येथील जुई नदीवरील रस्त्यावर केलेले डांबर गेल्या अनेक महिन्यांपासून निघुन खळगे तयार होऊन मोठे तळेच तयार झाले आहे .या ठीकाणी गेल्या अनेक महिन्यांपासून सिल्लोड तालुक्यातील येथील गोळेगाव रस्त्यावर जुई नदीच्या पुलावर भले मोठे खगदाड पडले आहे‌ यातुन वाहनधारक प्रवास करतांना दररोज छोटे मोठे अपघात होत आहे .गेल्या दोन दिवसांपासून झालेल्या पावसाने या गोळेगाव येथील जुई नदीच्या पुलावर अक्षरक्ष:तळेच तयार झाले‌ आहे यातुन खड्डा कोठे पडलाय हेच वाहनधारकांना दिसेना.
• या ठीकाणी ठेकेदाराकडून
  जाणीवपुर्वक दुर्लक्ष होत असल्याचे दिसून येत आहेत
  मोठे अपघात झाल्यानंतर
  संबंधित विभागा व ठेकेदाराकडून
  पुलाची दुरूस्ती करणार का?असा संतापजनक प्रश्न वाहनचालकातुन होत आहेत.
  तसेच संबंधित अधिकाऱ्यांना देखील हा सर्व प्रकार कसा दिसत नाही हे विशेष. मात्र हे अधिकारी तसेच ठेकेदार सगळेच एका माळेचे मणी असतात खोचक अशी ओरडही परिसरात नागरिकांतुन कानी पडत आहे .या ठिकाणी यदाकदाचित भयंकर दुर्घटना घडल्यानंतर या विभागास जाग येईल की त्याआधी हे खळगे नीट करण्याची सद्बुद्धी भगवंत यांना देईल हे आता वेळप्रसंगी कळेल.

छत्रपति संभाजीनगर जळगाव महामार्गवर पत्येक पुलावर डांबरचे भराव टाकून लेवल केली होती मात्र पाऊसामुळे जुई नदिवरील पुलाच्या वरचे डांबर निघून गेल्याने खड्डे पडले आहे आठ दिवसात कामाला सुरुवात होईल.

सूर्यकांत बलांडे
कार्यकारी अभियंता राष्ट्रीय महामार्ग छत्रपति सभाजिनगर

•        ‘ जुई नदिवर रोज छोटे मोठे अपघात होत आहे तरी मागील 3 महिन्या पासून पुलावर मोठ मोठे खड्डे पडले आहे सार्वजनिक बांधकाम विभागाने आठ दिवसात खड्डे बुजवावे नस्ता जुई नदिवर च्या पुलावर आंदोलन करण्यात येईल.
• गणेश बनकर
  सरपंच गोळेगांव